കവടിയാർ പാതയിലൂടെ ആർക്കും ചിന്തിക്കാൻ പറ്റാത്ത രീതിയിൽ പാഞ്ഞെത്തി; വളയത്തിന്റെ നിയന്ത്രണം നഷ്ടപ്പെട്ടതും ആളുകളെ ഇടിച്ചുതെറിപ്പിച്ചു; അപകടത്തിൽ ഭാര്യയ്ക്ക് പിന്നാലെ ഭർത്താവും യാത്രയായി

തിരുവനന്തപുരം: കവടിയാറിൽ നടന്ന വാഹനാപകടത്തിൽ ചികിത്സയിൽ കഴിഞ്ഞിരുന്ന ആഷിക്കും മരിച്ചു. തിരുവനന്തപുരം മെഡിക്കൽ കോളേജിൽ ചികിത്സയിലായിരുന്നു ആഷിക്ക്. ഇന്ന് രാവിലെ ആറരയ്ക്കാണ് മരിച്ചത്. കഴിഞ്ഞ വെള്ളിയാഴ്ചയാണ് കവടിയാറിൽ വെച്ച് കാറിടിച്ച് ആഷിക്കിനും ഭാര്യ നൗഷിജയ്ക്കും ​ഗുരുതരമായി പരിക്ക് പറ്റിയത്. നൗഷിജ വെള്ളിയാഴ്ച മരിച്ചിരുന്നു. നിയന്ത്രണം തെറ്റിയെത്തിയ കാര്‍ ഫുട്പാത്തിലേക്ക് പാഞ്ഞുകയറി, അതുവഴി കാൽനടയായി വന്ന ആഷിക്കിനെയും നൗഷിജയെയും വണ്ടി ഇടിച്ചു തെറിപ്പിക്കുകയായിരുന്നു.