ന്യൂഡല്ഹി: കേരളത്തിന്റെ മുഖ്യമന്ത്രിയെ നിശ്ചയിക്കുന്നതിലെ അനിശ്ചിതത്വം വെറുമൊരു ഗ്രൂപ്പ് തര്ക്കമല്ല, മറിച്ച് പാര്ട്ടിയിലെ അച്ചടക്കം തിരിച്ചുപിടിക്കാനുള്ള രാഹുല് ഗാന്ധിയുടെ ബോധപൂര്വ്വമായ ഇടപെടലാണെന്ന് സൂചന. പത്ത് ദിവസം പിന്നിട്ടിട്ടും പ്രഖ്യാപനം ഉണ്ടാകാത്തതിന് പിന്നില് രാഹുല് ഗാന്ധിയുടെ കടുത്ത നിലപാടുകളാണെന്നാണ് ഡല്ഹിയില് നിന്നുള്ള റിപ്പോര്ട്ടുകള്. സാധാരണ പ്രവര്ത്തകരെയും സോഷ്യല് മീഡിയയെയും ഉപയോഗിച്ച് ഹൈക്കമാന്ഡിനെ സമ്മര്ദ്ദത്തിലാക്കാനുള്ള നീക്കങ്ങള് തിരിച്ചറിഞ്ഞതോടെയാണ് രാഹുല് 'കാര്ക്കശ്യത്തിന്റെ' വഴി സ്വീകരിച്ചത്.
കോണ്ഗ്രസ് ഹൈക്കമാന്ഡ് ഇതിനകം
തന്നെ അന്തിമ തീരുമാനത്തില് എത്തിക്കഴിഞ്ഞു. എന്നാല്, പ്രഖ്യാപനത്തിന് മുന്പ് പാര്ട്ടിക്കുള്ളിലെ
സമാന്തര അധികാര കേന്ദ്രങ്ങളെയും ഗ്രൂപ്പ് താല്പര്യങ്ങളെയും പൂര്ണ്ണമായും
അപ്രസക്തമാക്കുക എന്ന തന്ത്രമാണ് നേതൃത്വം പയറ്റുന്നത്. 'ആരെയും ആളാകാന് അനുവദിക്കില്ല' എന്ന വ്യക്തമായ സന്ദേശമാണ് ഇതിലൂടെ
ഹൈക്കമാന്ഡ് നല്കുന്നത്. പാര്ട്ടിയേക്കാള് വലുതല്ല വ്യക്തികളെന്നും സമ്മര്ദ്ദ
തന്ത്രങ്ങള്ക്ക് വഴങ്ങി മുഖ്യമന്ത്രി കസേര നല്കില്ലെന്നും രാഹുല് ഉറപ്പിച്ചു
പറയുന്നു.
വി.ഡി. സതീശനായി സോഷ്യല് മീഡിയയില്
നടന്ന വ്യാപകമായ പ്രചാരണങ്ങളും കെ.സി. വേണുഗോപാലിനെതിരെയുള്ള സൈബര് ആക്രമണങ്ങളും
ഡല്ഹിയില് ഗൗരവമായാണ് വീക്ഷിക്കുന്നത്. സാധാരണ പ്രവര്ത്തകരെ തെരുവിലിറക്കിയും
നേതാക്കളെ വ്യക്തിഹത്യ നടത്തിയും തീരുമാനങ്ങള് അട്ടിമറിക്കാന് ശ്രമിക്കുന്നത്
അംഗീകരിക്കാനാവില്ലെന്ന നിലപാടിലാണ് ഹൈക്കമാന്ഡ്. ഇത്തരം നീക്കങ്ങള് നടത്തിയവര്
ആരായാലും അവര്ക്കുള്ള ശിക്ഷ കൂടിയാണ് ഈ കാത്തിരിപ്പെന്ന് രാഷ്ട്രീയ നിരീക്ഷകര്
വിലയിരുത്തുന്നു.
മുഖ്യമന്ത്രി സ്ഥാനത്തിനായി
രംഗത്തുള്ള വി.ഡി. സതീശന് (വി.ഡി), കെ.സി. വേണുഗോപാല് (കെ.സി), രമേശ് ചെന്നിത്തല (ആര്.സി) എന്നിവര് ഇപ്പോഴും
പ്രതീക്ഷ കൈവിട്ടിട്ടില്ല. എങ്കിലും ഹൈക്കമാന്ഡിന്റെ ഈ പുതിയ ശൈലി മൂന്ന് പേരെയും
ഒരുപോലെ പ്രതിരോധത്തിലാക്കിയിരിക്കുകയാണ്. തങ്ങള്ക്ക് അനുകൂലമായി എം.എല്.എമാരെ
അണിനിരത്താനോ പരസ്യ പ്രസ്താവനകള് നടത്താനോ കഴിയാത്ത വിധം ഹൈക്കമാന്ഡ് കടിഞ്ഞാണ്
മുറുക്കി കഴിഞ്ഞു.
ഗ്രൂപ്പ് സമവാക്യങ്ങള്ക്കപ്പുറം
പാര്ട്ടിയുടെ ഭാവി മുന്നിര്ത്തിയുള്ള ഒരു 'സര്ജറി' ആണ് രാഹുല് ലക്ഷ്യമിടുന്നത്. കേരളത്തില്
യു.ഡി.എഫിന് ലഭിച്ച വലിയ വിജയം വ്യക്തികളുടെ മിടുക്കായി കാണുന്നതിനേക്കാള് പാര്ട്ടിയുടെ
കൂട്ടായ വിജയമായി നിലനിര്ത്താനാണ് ഹൈക്കമാന്ഡ് ആഗ്രഹിക്കുന്നത്. അതുകൊണ്ടുതന്നെ
പ്രഖ്യാപനത്തിന് ശേഷമുണ്ടാകാനിടയുള്ള പൊട്ടിത്തെറികള് മുന്കൂട്ടി കണ്ട് അവയെ
നിര്വീര്യമാക്കാനുള്ള ചര്ച്ചകളാണ് ഇപ്പോള് നടക്കുന്നത്. കൂടുതൽ കണ്ടെത്തുക
രാഷ്ട്രീയ വിശകലനം ലോക വാർത്തകൾ പുരസ്കാര വിവരങ്ങൾ കെ.സി. വേണുഗോപാലിനെതിരെ നടന്ന
സൈബര് ആക്രമണങ്ങളില് രാഹുല് ഗാന്ധിക്ക് കടുത്ത അതൃപ്തിയുണ്ടെന്നാണ് വിവരം. ഒരു
ദേശീയ നേതാവിനെ സ്വന്തം നാട്ടിലെ അണികളെക്കൊണ്ട് അധിക്ഷേപിപ്പിക്കുന്നത്
ആസൂത്രിതമാണെന്ന് അദ്ദേഹം വിശ്വസിക്കുന്നു. ഇത്തരം പ്രവണതകള്ക്ക് മുഖ്യമന്ത്രി
പദം നല്കി അംഗീകാരം നല്കുന്നത് പാര്ട്ടിയുടെ അടിത്തറ തകര്ക്കുമെന്ന് രാഹുല്
മുന്നറിയിപ്പ് നല്കിയിട്ടുണ്ട്. മറുഭാഗത്ത്, പ്രതിപക്ഷ നേതാവെന്ന നിലയില് തിളങ്ങിയ വി.ഡി.
സതീശനെ പിന്തുണയ്ക്കുന്ന വലിയൊരു വിഭാഗം എം.എല്.എമാരും ജനങ്ങളുമുണ്ട്. ജനവികാരം
തള്ളിക്കളയുന്നത് അപകടമാകുമെന്ന് ഹൈക്കമാന്ഡിന് അറിയാം. എന്നാല് ആ ജനവികാരത്തെ
സമ്മര്ദ്ദ തന്ത്രമാക്കി മാറ്റുന്നതിനോടാണ് നേതൃത്വത്തിന് എതിര്പ്പ്. അര്ഹമായ
പരിഗണന നല്കുമെങ്കിലും അത് ഭീഷണിക്ക് വഴങ്ങിയാവില്ലെന്നതാണ് ഹൈക്കമാന്ഡ് ലൈന്.
രമേശ് ചെന്നിത്തലയുടെ കാര്യത്തില്
ഹൈക്കമാന്ഡിന് വലിയ പരാതികളില്ല. അദ്ദേഹം പരസ്യമായ നീക്കങ്ങളില് നിന്ന്
വിട്ടുനില്ക്കുകയും 'കൂള്' ആയി തുടരുകയും ചെയ്യുന്നത്
നേതൃത്വത്തിന്റെ ഗുഡ് ബുക്കില് ഇടം നേടാന് സഹായിച്ചിട്ടുണ്ട്. എങ്കിലും
യുവനേതൃത്വം വേണമെന്ന പൊതുവികാരം ചെന്നിത്തലയ്ക്ക് വെല്ലുവിളിയാണ്. ഹൈക്കമാന്ഡ്
എടുക്കുന്ന ഏത് തീരുമാനവും ശിരസാവഹിക്കാന് അദ്ദേഹം തയ്യാറാണെന്ന്
അറിയിച്ചിട്ടുണ്ട്. പ്രഖ്യാപനം വൈകുന്നത് വിജയത്തിന്റെ ശോഭ കെടുത്തുന്നു എന്ന
ഘടകകക്ഷികളുടെയും കേരളത്തിലെ നേതാക്കളുടെയും പരാതി ഹൈക്കമാന്ഡ് മുഖവിലയ്ക്കെടുക്കുന്നില്ല.
വ്യക്തമായ കൃത്യതയോടെയും അച്ചടക്കത്തോടെയും പുതിയ സര്ക്കാരിനെ
അധികാരത്തിലേറ്റാനാണ് ഡല്ഹിയിലെ നീക്കം. ഇതിന്റെ ഭാഗമായാണ് മുന്
മുഖ്യമന്ത്രിമാരെയും മുതിര്ന്ന നേതാക്കളെയും ഡല്ഹിയിലേക്ക് വിളിപ്പിച്ച്
കാര്യങ്ങള് ബോധ്യപ്പെടുത്തുന്നത്. കൂടുതൽ കണ്ടെത്തുക തിരഞ്ഞെടുപ്പ് വാർത്തകൾ
അനുസ്മരണ സേവനങ്ങൾ ഇന്ത്യൻ വാർത്തകൾ ഭരണസ്തംഭനം എന്ന ആരോപണം ലീഗ് ഉള്പ്പെടെയുള്ള
പാര്ട്ടികള് ഉന്നയിക്കുമ്പോഴും കുലുങ്ങാത്ത നിലപാടാണ് ഹൈക്കമാന്ഡിന്റേത്. ഇത്
കേരളത്തിലെ കോണ്ഗ്രസ് രാഷ്ട്രീയത്തില് പുതിയൊരു അധികാര ക്രമത്തിന്റെ തുടക്കമാണ്.
ഗ്രൂപ്പ് മാനേജര്മാരുടെ കാലം കഴിഞ്ഞുവെന്നും ഹൈക്കമാന്ഡ് നേരിട്ട് കാര്യങ്ങള്
നിയന്ത്രിക്കുന്ന കാലം വന്നുവെന്നും ഈ കാത്തിരിപ്പ് തെളിയിക്കുന്നു.
സോഷ്യല് മീഡിയയിലെ സൈബര് പോരാളികള്ക്കും
ഈ വൈകല് ഒരു പാഠമാണ്. വ്യക്തിപൂജയ്ക്കും സൈബര് അധിക്ഷേപങ്ങള്ക്കും കോണ്ഗ്രസിനുള്ളില്
ഇടമില്ലെന്ന് രാഹുല് ഗാന്ധി പ്രവര്ത്തിയിലൂടെ കാണിച്ചുതരുന്നു. വൈകാതെ തന്നെ
ദീപാ ദാസ് മുന്ഷി കേരളത്തിലെത്തി അന്തിമ തീരുമാനം പ്രഖ്യാപിക്കും. ആ പേര്
ആരുടേതായാലും അത് ഗ്രൂപ്പ് നോമിനിയെന്നതിനേക്കാള് ഹൈക്കമാന്ഡ്
നോമിനിയായിട്ടായിരിക്കും അറിയപ്പെടുക.
കേരളത്തിലെ കോണ്ഗ്രസില് നിലനില്ക്കുന്ന
അരാജകത്വത്തിന് അന്ത്യം കുറിക്കാനുള്ള പരീക്ഷണശാലയായി ഈ മുഖ്യമന്ത്രി
തിരഞ്ഞെടുപ്പ് മാറിയിരിക്കുകയാണ്. ആരെയും 'ആളാകാന്' വിടാതെ, പാര്ട്ടിയെ മുന്നില് നിര്ത്തിയുള്ള ആ
പ്രഖ്യാപനത്തിനായി കേരളം ഇനിയും ചില മണിക്കൂറുകള് കൂടി കാത്തിരിക്കേണ്ടി വരും.
പ്രഖ്യാപനത്തിന് ശേഷം പാര്ട്ടിയില് അനുസരണയുള്ള ഒരു നിരയെ വാര്ത്തെടുക്കുക
എന്നതാണ് രാഹുലിന്റെ ആത്യന്തിക ലക്ഷ്യം.